وكالات //

نايضة في بنكَلاديش بعدما خرقو آلاف ديال الناس الحجر الصحي، اللي مزال مفروض عندهم بسباب الانتشار الكبير لفيروس كورونا فديك البلاد، وخرجو باش يشوفو بكَرة قصيورة، و اللي كايقولو ماليها أنها أقصر وحدة من نوعها في العالم.

البكَرة فيها 51 سنتيمتر و كاتوزن 22 كيلو، وبعدما دواو عليها الصحافة والإعلام ولات مشهورة و عدد من الناس كايقلبو عليها باش يمشيو يصوروها.

اللون ديال هاد البكَرة بيض وشكلها الصغيور والزوين خلاها تولي نجمة حقيقية يدوي عليها العالم، غير هو الناس را خرقو قانون الطوارئ اللي مفروض في بلادهم وناضت الروينة من بعد.

ماليها كايقولو أنها خاصها تدخل لموسوعة كَينيس لأنها أقصر من البكَرة اللي دات اللقب في 2014 بـ10 سنتيم.