واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة
عفراء علوي محمدي- كود//
حباس مغريبي سميتو وليد السكاكي هرب من حبس مدينة تورنوت البلجيكية ومسيفط لإدارة السجون “كارط بوسطال” ديال التايلاند.
وحسب موقع RTL INFO ، أكدات المتحدثة باسم إدارة السجن، كاتلين فان دي فيجفر، اليوم الأربعاء، المعلومة اللي نشراتها مجموعة من المواقع البلجيكية بخصوص هروب الشاب المغربي.
وحسب المتحدثة، اكتب السكاكي على “لاكارط بوسطال” اللي سافط عبارة عجيبة، بغا يقول من خلالها أنو خوا البلاد ومشا بالصح للتايلاند، واللي هي: “كانسلم عليكم من التايلاند”، ورافق “الكارط” بالبادج ديالو دالحبس.
السكاكي كان هرب ف19 دجنبر اللي فات، مع ربعة ديال الحباسة لوخرين، اللي استطعو يتسلقو حيط الحبس اللي كايبلغ العلو ديالو 6 متر، لكن شداتهم إدارة السجون كاملين، باستثناء السكاكي اللي هرب ومازال روشيرشي.