وكالات //

بعد فترة ماشي طويلة على إعلان انفصال مدافع نادي البارصا جيرار بيكي وصاحبتو النجمة العالمية شاكيرا، خرج مصدر مقرب من عائلة شاكيرا ووضح أن السبب الرئيسي فالفراق ديال الكوبل هو الفلوس.

هاد المصدر خرج فتصريح لموقع “EsDiario” الإسباني ووضح بللي اللعاب بيكي طلب من المغنية الكولومبية شاكيرا مبلغ مالي كبير باش يستثمرو ولكن هي رفضات.

المصدر قال أن الوالدين ديال شاكيرا رفضو يتخطلو فلوس بنتهم مع فلوس بيكي وهادشي خلى العلاقة تتوتر.

وزاد أكد المصدر اللي من محيط شاكيرا أن بيناتهم دبا مشاكل كتخص حضانة ولادهم، وغادي توصل القضية للقضاء، وبيكي باغي الوصاية القانونية على ميلان وساشا فالوقت اللي شاكيرا باغيا تديهم معاها لميامي الميريكانية فين ناويا تستاقر.