اسماء غربي – كود//
المصور جوستين كليف دا الجائزة العالمية لي منظماها مجلة “ناشيونال جيوغرافيك ترافل” بتصويرة صورها لعامل مغربي في مراكش.
الصورة لي فيها بزاف ديال التفاصيل كيبان فيها راجل عامر حموم وسط بلاصة كحلة والدخان طالع من حر العافية لي شاعلة ولي كتبين المعاناة ديال السيد فصباغة الصوف.
المصور كتب في تعليقو على تصويرة “المشهد ديال راجل كيصبغ الصوف –كان الجو مسخ وسخون والريحة الخانزة “.
الصورة فيها بزاف ديال الرسائل، ومعبرة لدرجة أن رئيس لجنة التحكيم عجباتو وقال أن الرجل الوسط هو بصيص ضوء في منتصف الأوساخ.