الرئيسية > آش واقع > صندوق الإيداع والتدبير كيخصص 8000 سرير للمصابين بفيروس “كورونا”
26/03/2020 17:57 آش واقع

صندوق الإيداع والتدبير كيخصص 8000 سرير للمصابين بفيروس “كورونا”

صندوق الإيداع والتدبير كيخصص 8000 سرير للمصابين بفيروس “كورونا”

عفراء علوي محمدي- كود//

خصص صندوق الإيداع والتدبير 8 آلاف سرير موجودين فمختلف الفروع اللي تابعة ليه، فأوطيلات، وأحياء جامعية، ومراكز الاصطياف والتخييم، ووضعها رهن إشارة الدولة باش تعتمدها فعلاج المصابين بفيروس “كورونا” المستجد، اللي تصابو بيه لحد الساعة 257 واحد، وقتل منهم 10.

وحسب بلاغ للصندوق، صدر اليوم الخميس، وتوصلات “كود” بنسخة منو، كتتوزع الأسرة اللي خصصها الصندوق على لوطيلات اللي تابعين فمجموعة “مداييف”، بما مجموعه 4 آلاف سرير، موزع على 12 لمدينة فالمغرب، وعلى الأحياء الجامعية اللي كاينة فالرباط وكازا ومكناس والجديدة ب3 آلاف و500 سرير، بالإضافة ل450 سرير كاينة فمراكز التخييم فمراكش والجديدة وإفران وبوزنيقة وفاس وريستينكَا والسعيدية.

بالإضافة لهذشي، الصندوق وضع رهن إشارة الحكومة الإمكانيات ديالو البشرية والمادية والمالية، باش يواجه تفشي الفيروس، والتداعيات ديالو على الاقتصاد الوطني، لكن فنفس الوقت يضمن استمرارية الخدمات ديالو فالصالح العام ديال المواطن.

وكان الصندوق تبرع ب1 مليار ديال الدرهم لفائدة الصندوق اللي دار من أجل مكافحة انتشار جائحة “كورونا”، كيف دعا الموظفين ديالو باش يتبعو من جهتهم بصاليرهم لهذ الصندوق.

موضوعات أخرى

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة