هناء ابو علي-كود//
الويكاند الفايت تكلمات صحف و قنوات بلجيكية كثيرة على جريمة وقعات هادي 6 سنوات ملي مغربي اسمه منير كيوح/ قيوح قتل طفلة صغيرة ف عمرها 2 عامين فقط بالضرب ، وهي بنت صاحبتو البلجيكية ف مدينة نامير و تم الحكم عليه ب 15 سنة سجن لكن هرب للمغرب و اختفى من ديك الساعة.
الصحف البلجيكية هضرات على المأساة اليومية الي كتعيشها الاسرة البلجيكية و كيفاش اثرات هاد الجريمة على حياتهم.
و المثير ف تصريحات هاد الاسرة هو ان هاد السيد انطلاقا من الفايسبوك مزال كايتحرش بهم و كايضحك عليهم وكايقول ليهم عايش بخير ف المغرب و شابع شمس وكايصيفط ليهم الصور ديالو.
وسائل الاعلام كلها هضرات على البوليس و القضاء المغربي واش كايدير خدمتو ف القاء القبض على المطلوبين ولا بحالو بحال الاجهزة اللي ف “الدول الافريقية”..
