الرئيسية > آش واقع > صحراوة الوحدويين واش قادرين على مواجهة البوليساريو. وفين مشا ولد الرشيد رئيس جماعة العيون ؟‎
03/12/2018 16:15 آش واقع

صحراوة الوحدويين واش قادرين على مواجهة البوليساريو. وفين مشا ولد الرشيد رئيس جماعة العيون ؟‎

صحراوة الوحدويين واش قادرين على مواجهة البوليساريو. وفين مشا ولد الرشيد رئيس جماعة العيون ؟‎

الوالي الزاز -كود- العيون ////

وزارة الشؤون الخارجية والتعاون الدولي كشفات على اللائحة ديال الوفد المغربي المشارك بأشغال المائدة المستديرة بجنيف السويسرية، يومي الخامس والسادس من دجنبر المقبل.

وأعلنت الخارجية عن مشاركة وزير الشؤون الخارجية والتعاون الدولي ناصر بوريطة، وسفير المملكة الممثل الدائم لدى الأمم المتخدة، عمر هلال، وكذا رئيس جهة العيون الساقية الحمراء سيدي حمدي ولد الرشيد، ورئيس جهة الداخلة وادي الذهب ينجا الخطاط، فضلا عن فاطمة العدلي المنتخبة الإستقلالية ببلدية السمارة.
“كود” سبق وقدمات معطيات هامة عن وفد جبهة البوليساريو المشارك بالمائدة المستديرة في جنيف، وعطينا نبذة وورقة تعريفية عن لي غاديين يمثلوها. دابا جا وقت شكون هاد الناس لي من الصحراء لي غاديي يمثلو المغرب ويدافعو على الوحدة الترابية.

اول واحد غادي نبداو بيه هو رئيس جهة العيون الساقية الحمراء سيدي حمدي ولد الرشيد المنحدر من قبيلة الركيبات “التهالات”. سياسي ولد خو حمدي ولد الرشيد رئيس بلدية العيون. وهو من بين رؤساء الجهات القلال لي انتخب على رأس الجهة ثلاث مرات -جوج مرات كرئيس بولاية كاملة ومرة كرئيس من بعد انتخابات نصفية- على التوالي بلون حزب الإستقلال. رئيس الجهة معروف فالعيون عضو فالكوركاس. ولكن الكاريير ديالو وحضورو سواء بالحزب أو بجهة العيون ماشي بحال عمو رئيس البلدية لي يُدير حزب الإستقلال ومتمكن منه وحاضر فكلشي وعندو كلمتو.

حمدي ولد الرشيد رئيس الجهة من مواليد سنة 1971 وعندو دبلوم من جامعة من مراكش، بالإضافة لهادشي سبق وحضر مجموعة من المحطات المهمة على غرار مشاورات لشبونة السابقة مع الوسيط الأممي هورست كولر، وأنشطة أخرى على المستوى الدولي والوطني. غير هو ما عندوش حضور قوي دوليا أو جهويا فالعيون بالذات.

الإسم الثاني فالوفد المغربي هو رئيس جهة الداخلة وادي الذهب الخطاط ينجا، المولود سنة 1958، وينحدر من قبيلة أولاد الدليم. وتم إنتخابو فالإستحقاقات الماضية كرئيس لجهة الداخلة بتحالف مع أحزاب أخرى.

ينجا الخطاط هو من قلة العائدين الذين تمكنوا من إقتحام المجال السياسي بعد عودته من مخيمات تندوف سنة 1992. حيث تدرج به إلى أن حاز ثقة قيادة حزب الإستقلال وحمدي ولد الرشيد خاصة.

بالإضافة لذلك ينجا الخطاط هو من الساسة القلائل على مستوى الجهات الجنوبية الذين يتقنون عدة لغات. هو متحدث بطلاقة للغة الفرنسية والإسبانية والإنجليزية. وهادشي خلاه أنه يشارك فمجموعة كبيرة من الأنشطة على غرار المشاورات على مستوى البرلمان الأوروبي فيما يتعلق بالبروتوكولات التجارية بين الإتحاد الأوروبي والمملكة المغربي. وأيضا مشاورات لشبونة وفأشغال اللجنة الأممية الرابعة لي ترافع فيها عن الوحدة الترابية للمملكة، هذا علاوة على إحتكاكو على مدى نسختين من منتدى كرانس مونتانا بمختلف قادة وزعماء العالم.

الحالة الفريدة فهاد المحطة او الشخصية الثابثة هي فاطمة العدلي. وراه كاين مقال كيهدر عليها جبنا من خلالو معطيات عليها ف”كود”.

السؤال لي كاين دابا. علاش الوفد ما ضمش رئيس الجماعة الحضرية للعيون مولاي حمدي ولد الرشيد؟ هاد السيد هو الوحيد لي عندو الكاريزمة والكاريير باش يواجه البوليساريو. ولي كان أيضا من بين الاعيان والمنتخبين الصحراويين لي طلب مواجهة البوليساريو. علاش ما كانش إسمو فالوفد المغربي. خاصة وان هاد الناس لي مشاركين كلهم تابعين ليه سواء تعلق الأمر بالحزب او حتى على صعيد تدبير الشأن المحلي.

دابا واش صحراوة الوحدويين قادرين على مواجهة وفد البوليساريو ؟ هادا سؤال وحيه لأن الشخصيات بثلاثتهم ما عندهومش كاريير بحال ديال وفد جبهة البوليساريو. ديال البوليساريو كلهوم صالو وجالو فالسياسية وما خلاو اوروبا ما خلاو مينورسو ما خلاو جزائر ما خلاو أمريكا اللاتينية.

وهادشي علاش كان خاص فعلا اسم بحال مولاي حمدي ولد الرشيد باش يتواجه معاهوم ويكون ند ليهوم لأنه ببساطة عارفهوم وعاصر زمنهم منذ محطة الإستعمار الإسباني. عارف الشادة والفادة على نزاع الصحرا وفاش كتذكر سميتو كلشي كيوقف.

موضوعات أخرى

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية