كريم الشركي – كود //

اعتبرت جريدة “النهار” الجزائرية، أن عدم وجود راقي يرافق المنتخب الجزائري هو السباب اللي خلاه يخسر فالماتش مع غينيا إكواتوريال.

وقالت الجريدة أنها خذات فيديو حصري من عند راقي دزايري كيتسمى “ابن  الشنفرة” كيقول فيه أن سباب الخسارة هو العين والحسد، وأنه مستعد يمشي يدير الرقية للمنتخب إيلا عطاوه پاسپور.

هاد الجورنال اللي معروف بالعداء للمغرب، تابع للمجموعة اللي عندها أيضا قناة تلفزيونية بنفس الإسم واللي ماكيخليو فيها الدزايريين غير اللي نساو بسباب فضايحها، (هاد الجورنال) نزل لواحد الدرجة طايحة ومهينة للعمل الصحفي بزاف فترويجو للخرايف و التخلف.

هادشي ماشي غريب أو مفاجئ بالنظر لعدد من الزبايل والزلكَات ديالهم فالماضي، قبل من هادي اللي جات بعد هزيمة فرقة بلماضي.

https://www.ennaharonline.com/%d8%a7%d9%84%d8%b1%d8%a7%d9%82%d9%8a_-_%d8%a5%d8%a8%d9%86-_%d8%a7%d9%84%d8%b4%d9%86%d9%81%d8%b1%d8%a9_-%d9%81%d9%8a%d9%87-%d8%b4%d9%8a%d8%a1-%d8%ba%d9%8a%d8%b1-%d8%b7%d8%a8%d9%8a%d8%b9%d9%8a/