كريم الصوفي – كود//
[email protected]

قالت جريدة “بوبليكو” الاسبانية، أن السلطات المغربية قدرات تحكم بشكل كبير من تدفق الهجرة السرية إلى جزر الكناري، حيث وصل عدد أقل من المهاجرين المغاربة إلى جزر الكناري منذ انتهاء الأزمة الدبلوماسية بين إسبانيا والمغرب، ولم تسجل زيادة كبيرة إلا ف غشت الفايت، بنسبة 15 ف المائة مقارنة مع نفس الفترة من العام الفايت، عكس الزيادة الكبيرة اللي تسجلات ف غشت 2020، واللي وصلات ل نسبة 115 ف المائة.

وحسب البيانات الرسمية ديال الداخلية الاسبانية، تسجل انخفاض كبير ف وصول “الحراگة” المغاربة ل جزر الكناري ف نهاية مارس الفايت، أي مع تغيير إسبانيا موقفها بشأن الصحراء وتشديد المراقبة الأمنية على شبكات التهجير اللي كتنشط ف الداخلة و المناطق القريبة من طرفاية وطانطان.  وحسب مصادر حكومية، دابا غالبية المهاجرين اللي كيوصلو جزر الكناري ف المحيط الأطلسي هم من دول جنوب الصحراء الكبرى من دول غرب إفريقيا.