نجوى المالحي-كود//
عارضة الأزياء الطاليانية لورا فريس لي تشهرات بصداقتها مع المغني المغربي سعد لمجرد ومثلات معاه بطولة فيديو كليب “لملعم” عزيز عليها المغرب وكتموت عليه، البارح الاثنين حطات تصويرة في الستوري ديال انستكَرام وقالت أنها توحشات الفطور المغربي.
وبان في التصويرة المسمن والكيك والحلوة والعسل والكونفيتير. ودارت هاشتاكَ “home sweet home”، وهشتاگ #i love morocco.
وولات لورا مستقرة في المغرب وقليل فاش كتمشي لايطاليا، وفي وقت قصير دارت بلاصتها وولات من العارضات المطلوبات في المغرب باش تعرض القفطان في التظاهرات الكبرى.
