كود كازا//

الفنان الفرنسي من اصول جزائرية إنريكو ماسياس غادي يدير حفلة في المغرب 14 فبراير المقبل، لي كيتزامن مع عيد الحب، العشاق غادي يمشيو يستمتعو ويعيشو اللحظات مع الفنان لي واعر بزاف وعندو مسار فني كبير.

ولكن شي وحدين متخلفين وحقيرين، ناضو كَاليك خاص يقاطعوه، وميدخلش للمغرب حيت هو كيدعم اسرائيل.

واش أبنادم غادي تمشي تسمع الموسيقى وتمتع وتعيش الحياة ولا تبقشش في الخلفية ديال السيد! نت ونتي وهادوك كاملين لي باغيين يقاطعو الفن، المخير فيكم مكيفهم والو فالسياسة او فالقضية الفلسطينية، غير حوالا سايگينهم لي ميديا.

وهاد الناس هوما نفسهم لي نوضو سكوندال ملي كانت غادي تغني المغنية المغربية هندي زهرة في كازا، وفي الاخير كان الحفل ديالها واعر.