الغرفة الجنحية ففاس لغات قرار قاضي التحقيق وزادت تهم أخرى لـ”شبكة السطو على أراضي الدولة” اللي فيها قاضي التوثيق ومحامي وعدول وموظفين
كودـ الرباط/ /
كشف مصدر موثوق لـ”كود” أن حكيم بنمشاش، الأمين العام لحزب الأصالة والمعاصرة، لقا راسو ف موقف يحسد عليه، مقدرش يدير مرشح لخلافة الياس العماري ف رئاسة جهة الشمال.
مصدر “كود” قال بلي بنشماش معندوش خيار وجمع المكتب السياسي مساء يوم الأحد 20 أكتوبر الجاري، لكن مقدرش يدير مرشح من غير فاطمة الحساني، الصحافية لي ف لاماب، ولي هي النائبة الأولة لسمير كودار رئيس اللجنة التحضيرية للمؤتمر الوطني الرابع، لي داخل معه بنشماش ف محاكم وسبق طردو من هياكل الحزب قبل ما يتراجع.
بفقدان بنشماش لجهة الشمال، يكون تيار المستقبل دار ضربة ليه ومخلاش ليه اختيار سوى تزكية الحساني لي كيعتبرها تيار كودار مرشحة ديالهم، وبالتالي غاتزاد جهة الشمال لباقي الجهات لي كيسيروها قياديين ف تيار المستقبل.
بنشماش ولى معزول وفق مصدر “كود”، بعدما رفض المصالحة، دبا كيطلبها ويزاوك ويدير الوساطات ولكن تيار وهبي طلع للجبل ورفضو اي وساطة معه.
بل إن وهبي قال لـ”كود” بأنه لا يعترفون بأي قرارات غاتخرج ف لقاء المكتب السياسي اليوم الاحد وبلي تيار المستقبل ختار الطريق ديالو ودار مرشحة ديالو لي هي الحساني لخلافة العماري لي اعتبرتو الداخلية منقطع عن العمل واعلنت شغور منصبه.
دبا كاع داكشي لي عند بنشماش غايحاول التحق بتيار المستقبل، تضيف مصادر “كود”، من غير مقر الحزب ف الرباط لي اصلا فيه “اشكالات قانونية كثيرة” وديال من وكيفاش خداوه.