كود كازا ////
دابا كنهدرو على دعم الدولة للصحف الرقمية او الالكترونية وكننساو ما هو اهم. ماشي اساسي الدعم غير ياخدوه ويخليوه عندهم. حقاش الدعم ما كيفوتش 50 الى 60 مليون سنتيم سنويا لكن كاين مشكلة اخرى صحف كثيرة ساكتة عليها وهادي هي المهمة. بعض الجهات فالدولة كترهب مدراء المؤسسات العمومية باش تعطي الاشهار لموقع بعينه. ما غادينش نجبدو اسمو حقاش الوثيقة اللي عند “كود” ما فيهاش اسمو واخا راه معروف.
حسب ما حصلت عليه “كود” فان البنك الشعبي باش يدير اشهار لقرض خاص بالعقار فرق على المواقع الاخرى ما بين 30 و40 الف درهم فيما حصل الموقع المعني على 850 الف درهم اي 85 مليون سنتيم فشهرين فقط. باش يدير ليهم 16 مرة لابياج.
هادا ماشي بنك خاص. لو ان بنجلون او بنك الشركة الوطنية للاستثمار اللي هي الهولدينك الملكي او بنوك اخرى حقها حتى حد ما يتكلم عليها. هادا ماشي بنك خاص. نزيدكم مؤسسة عمومية تفرض عليها توقع عقد سنوي بمليون درهم اي 100 مليون سنتيم مع نفس الموقع. نفس المؤسسة دارت عقود ما فايتاش 150 الف درهم الى 200 الف درهم سنويا مع مواقع اخرى كتقرا احسن من هاد الموقع وعندها مصداقية اكثر بالفرنسية وبالعربية.
راه غير كذوب وزفوط وضحك على المغاربة هاد القضية ديال الدعم. هاه اللي خاصو نقاش هو ما تبقاش الاتصالات تجي من شي وحدين الفوق باش يفرضو على شركات تعطي الاشهار لهاد الموقع او ذاك.
اللي محتاجينو هو المؤسسات خاصة ولا عمومية تخدم بلا ضغوط. لا تلفونات
