نجوى المالحي – كود //
من بعد مدة ديال الغياب، علنت المغنية سكينة فضيلي عودة كَروب “كلمة” مرة أخرى للساحة الفنية. الكروب اسسوه هي وفيصل عزيزي هادي أكثر من 15 العام.
سكينة فضلي قررت تتحفظ على تفاصيل العمل الجديد واكتفت بمشاركة صورة ليها مع فيصل عزيزي على حسابها في انستگرام، وكتبت عليها ” مابقاش بزاف”.
سكينة وفيصل كانو تشهرو من خلال أغنية جنريك فليم “البرتقالة المرة” لبوشرى إيجورك قبل 15 سنة، ومازالة اغنية “سمايا كلها غيام” مشهورة في الساحة الفنية.
الرجوع ديال كروب “كلمة” لقا تفاعل من طرف المتتبعين ديال سكينة فضلي.
