كود ياوندي ///
البارح الثلاث مع الصباح رجع فوزي لقجع رئيس الجامعة الملكية لكرة القدم والوزير المنتدب المكلف بالميزانية من ياوندي الكاميرونية للرباط. التزاماتو الحكومية خلاتو يرجع ويتبع من بعيد التزاماتو فالفوت ومشاركة المنتخب المغريي لكرة القدم فالكان.
لقجع رجع مع نور الدين النايبت ومحمد مقروف بجوجهم مستشارين للرئيس فالجامعة وهشام ايت منة رئيس شباب المحمدية اللي كان عارض عليه رئيس الاتحاد الكاميروني لكرة القدم النجم صاموئيل ايطو للافتتاح فياوندي وبعض كبار مسؤولي الجامعة الملكية لكرة القدم. مع لحداش الصباح طارت طيارتهم من ياوندي. بعد الانتصار الاول ضد غانا كلشي كان ناشط بهاد البدية فالكان.
فاقامتو بفندق هيلطون وانتقالو لمقر اقامة المنتخب بمون فيبي عانى لقجع بزاف مع شنيولة. فاليد فالرجل فالوجه. واخا بهاداك الدوا المضاد ليها سخسخاتو مزيان.
دابا عندو التزامات حكومية وممكن مجلس وزاري فالطريق. تخليه يبقى فالمغرب. غادي يرجع طبعا للكاميرون.
