كود علي الصافي العيون //

الجينرال شنقريحة حالف على يعلن حرب على المغرب. داخل فمخطط بداه هادي مدة. هدفو حرب خارجية باش يلهي الشعب الجزائري ويقضي على الحراك الشعبي هناك.

على هاد الاساس ناض خرج التلفزيون الجزائري قبل قليل اليوم الاربعاء 13 اكتوبر 2021 خبار فيه ان مصالح الامن عندهم “تمكنت من إفشال مخطط مؤامرة تعود بوادره إلى سنة 2014”

واضاف التلفزيون الجزائري ان “هذا المخطط تم بمساعدة الكيان الصهيوني ودولة أخرى في شمال إفريقيا – لم يذكرها-”

واكد ان هذه “المؤامرة كانت تهدف إلى تنفيذ عمل مسلح داخل التراب الوطني، وذلك بالتواطئ من الداخل لأطراف يتبنون النزعة الانفصالية”.

دابا كيهدرو على المغرب بوضوح. كيتاهمو اسرائيل. عينهم فالحرب.

هاد الجينرالات اللي حاكمين فالجزائر وجدو مخططهم من ايام. من فصولو كانت خرجة الرئيس الكركوز تبون واللي قال فيه باللي كيرفض يتصالح مع المغرب او تكون شي وساطة وهاجم المملكة بشكل كبير.

واش المغرب غادي يبقى صابر على تحرشات هاد الجينرالات.