18/04/2024 12:40
گوتيريش غاد يتلاقى وزير خارجية الجزائر اليوم وغادي يناقشو الوضع فغزة ونزاع الصحرا
نجوى المالحي- كود//
نشرات الفنانة الكويتية شمس فيديو كتشكر فيه المغربيات وكدافع عليهم من الأفكار المتخلفة لي كاينة في الشرق ولي كتقول ان المغربيات سحارات.
شمس قالت في لايف نوض عليها الصداع أن المغربية مرا ونص وكتسحر بجمالها وحداكتها ماشي بشي حاجة أخرى كيف منتشر.
شمس قالت أنه المغربية مقابلة جمالها ودارها وراجلها من الحمام المغربي للطبخ، لأنه حسب ما قالت جميع المغربيات طباخات وهادشي لي كيبغي الراجل، هدرة متخلفة طبعا، وحسرات المرا فدورها التقليدي القروسطي، ولكن على قد فهامتها هادشي باش دافعات.
وفي ردها على الخليجية لي قالت ان راجلها حاصل في المغرب حيت داتو ليها مغربية، قالت شمس: “را ماشي هي لي جات عندو لكن هو لي شد الطيارة ومشا 9 ديال السوايع”.
