كود كازا ///

انتخب اليوم شكيب لعلج رئيسا للاتحاد العام لمقاولات المغرب. هاد الشي جا فالجمع العام الانتخابي اللي كان فكازا. شكيب عوض مزوار اللي كان استاقل من منصبو بعد تصريحو حول الجزائر. فالحقيقة دفعوه يستاقل.

من غرائب هاد الانتخابات ان مزوار كان فالحقيقة مرشح سعيد لعلج اخ شكيب٫ وهو اللي دار كلشي باش يوصل للباطرونا. دابا لعلج خداو الرئاسة وخرجو للضو. عزيز عليهم ديما يخدمو فالظل.

شكيب نشايطي وضحوكي وعندو شخصية مرحة. لعلج حقاش باه كان صديق للملك الراحل للسعودية كان خدا الجنسية السعودية. ولادو حتى هما خادو هاد الجنسية.

اي ان شكيب لعلج واخا عايش فالمغرب عندو هاد الجنسية تعطاهم للصداقة الكبيرة للي كانت تربط باه بحكام هاد البلد. شكيب لعلج غادي يكون اول مسؤول منتخب فشي منظمة مهمة فالمغرب عندو جنسية سعودية.