كود هناء ابو علي ////
شكيب بنموسى اللي عينو الملك محمد السادس رئيسا للجنة غادية توجد المشروع التنموي اللي محتاجو المغرب بدا خدمتو بشكل عوج.
قبل ما نهدرو على ندوة صحافية او يتلاقى غير ما مدراء الصحف كيف قال والهواية اللي تعامل بها٬ نتكلمو على كيفاش هاد السفير السابق للمغرب فباريس ووزير الداخلية الاسبق اول حاجة يفكر فيها هو يجيب اللي يسوق ليه صورتو. ثم هنا واش اعلن على طلبات العروض فهاد القضية باش كاع شركات التواصل والعلاقات العامة يكون فخبارهم ولا غير بالعلاقات وهادا من عندي وديالي تم التعيين.
اللي كاين هو انو فضل ما يطبقش القانون فهاد الشي. دابا رئيس الدولة كيقول ليه اجي يدير لي المشروع التنموي اللي محتاجو المغرب وهو عارف ان من المشاكل فهاد البلاد هو باك صاحبي ويكون اول قرار ليه هو يجيب شي حد فالعلاقات العامة والعلاقة مع الصحافة من معارفو. غا بهادي نغسلو عليه يدينا هاد بنموسى.
ثم نقطة اخرى اش هاد الهواية دارها هاد بنادم. كيفاش كيعيط الناس السبت باش يتلاقاو الاحد معاه فالرباط. هادي تخربيقة اخرى.
التخربيقة الثالثة انت مجبر يا بنادم ايلى بغيتي تتواصل دير ندوة صحافية كبيرة يحضرو ليها الصحافة. ممكن تكون مقتصرة على ناس قلال من حقك ولكن تكون ندوة صحافية ماشي باغي تشوف مدراء الصحف. التخلف وصافي. بدية عرجا مع هاد السيد.
