كود كازا ///
الملك محمد السادس هو اللي شرف بشكل شخصي على كل تفاصيل عودة المنتخب المغربي لكرة القدم من كوناكري البارح ساعات بعد الانقلاب العسكري للي طاح باحد اكبر اصدقاء المغرب الرئيس الفا كوندي. المغرب كان خاصو يلعب فمباريات المؤدية لمونديال قطر٬ اليوم الاثنين ضد غينيا. طبعا بعد الانقلاب كلشي تأجل وكلشي تخلع على اللعابة اللي كانو فلوطيل.
مدرب الاسود وحيد خليلوفيتش صرح بعد وصولو الى المغرب ان الفضل فهاد العودة ل”صاحب الجلالة الملك محمد السادس”. وقال اللي كان كيواكب كاع التفاصيل وان الخروج من هاد لبلاد تمت بفضلو.
نفس التصريح قالو اللاعب الياس شعير والحارس ياسين بونو وزميلو نايف لكرد.
