كود عادل المكناسي الرباط ////

كاين خبر ديال رشيد الطالبي العلمي رئيس مجلس النواب اللي باقية ليه سيمانا وتنتهي مهمتو مع انتخاب مجلس جديد٬ للنائبين ديال العدالة والتنمية عبد الله بوانو واعتماد الزاهيدي. هاد الخبر يعتبر انتكاسة حقوقية كبيرة. حتى اكثر المدافعين عن الدولة تصدمو. طبعا عارفين باللي واحد بحال رشيد الطالبي العلمي ديال التجمع الوطني للاحرار ما عندوش الشجاعة يدير قرار بحال هادا بلا ما شي تمساح ولا عفريت امره ولم يوح اليه.

هاد القضية كتضرب مصداقية الدولة وكترجعها داعشية. شكون اللي عطى الحق للرجل الثالث في الدولة بعد رئيس الحكومة يدخل فالحياة الخصوصية ديال البرلمانيين.

دابا جهات فالدولة كتخلعنا من الاسلاميين ديال العدالة والتنمية وولات كدير تصرفات داعشية. راه هاد الجهات طار ليها لفريخ وتصطات.

من حق الصحافة اثارة الموضوع. كل جريدة عندها توجه ديالها وايلى بان ليها الموضوع يستحق نشره ولو على حلقات من حقها وباراكا كيفما من حق صحف اخرى ما تنشروش. هاد الشي علاش كاين صحف مختلفة. المشكل ماشي فنشرو حقاش ايلى حس المتضرر بحال بوانو بانه مستهدف يمشي للقضاء وراه دارها والكلمة الاخيرة ليه. لكن ماشي من حق رئيس مجلس النواب التدخل فموضوع عارف بخبرتو انه موجه لضرب حزب بنكيران اللي كان متحالف معاه فهاد الحكومة اللي قريب تسالي