وكالات-كود//

البارح الأحد انتاشرو في مصر صور وفيديوهات ديال الراقصة الروسية إيكاترينا أندريفا لي مشهورة بجوهرة وهي كتباوس مع مصري وولا الاسم ديالها هو الأكثر بحثا في كَوكَل.

وملي خرج الفيديو بدا كلشي كيسول ويقلب على هوية شكون الولد لي معها، وهادشي خلاه يخرج عن صمتو ويقول أنه مدار حتى حاجة عيبة وأنه متزوج بيها وهادوك صور وفيديوهات داروهم باش يوثقو لحظات الحب ديالهم.

المصري قال أن الفيديو تنشر في الانترنت بعدما شفرو ليه تلفونو وقال “مستقبلي تدمر ومّي مرضات بعدما خرجو هاد الفيديوهات.