قرار بتجميد حساب لبيكيه بسباب التحقيق فصفقة سعودية لاستضافة السوبر الإسباني
اسماء غربي – كود//
الشطاحة الجزائرية وردة إسراء مات ليها الحوت في بلادها، ومشات لميريكان وبدات كتعلم البنات الشطيح على أنغام الشعبي، لي هو ثرات ديالنا والتلواز حنا ماليه.
هاد السيدة لي معندهاش شي حاجة ديالها تبينها كتلبس القفطان المغربي وتشطح على الشعبي المغربي، مستغلة الاسم ديالها باش تجي تكَلس وتشرب وتنعس فابور في المغرب وفي الأخير كتعلن أنها كتدعم البوليساريو.
وردة يالله بدات كتشهر في المغرب، وحنا في “كود” كنا متبعينها هادي أشهر طويلة، ولكن نهار دعمات البوليساريو قلبنا ستة تسعود.
ودابا مسحات بوسطات كانت حطاتهم كتدوي عزو البوليساريو.
كيفما كيطردو في المطارات هادوك لي كيدعمو البوليساريو خاص هادي حتى هي طير من كازا. واش البوليساريو ولات داخلة من جهة الشطيح والرديح ولا شنو؟
وردة غادي تكون فكازا هاد الويكاند وغادي تعلم الكازاويات الشطيح.
دابا وحدة هي معلمة من عندنا، نعاودو نتعلمو داكشي لي علمناها.. راه هادشي مكيدخلش العقل.