نجوى المالحي-كود//

ملكة جمال العرب ديال 2015 شروق الشلواطي طلعات النيفو مع راجلها العراقي لي قال أنهم مطلقين وهي أكدات أنهم مفارقين فقط.

وباش تفرشو وتبين ما سماتو الحقيقة حطات محادثات كيعتذر فيهم وحتى أوديوهات كيدوي وكيعتذر حيت ضربها سيمانة من بعد العرس الأسطوري لي دارو في المغرب هادي 3 اشهر.

شروق قالت انها مباشرة بعد الضرب لي تعرضات ليه مشات لباريس عند ختها ودخلات لسبيطار يومين بعدما جاها انهيار عصبي وحطات صوت راجلها كيطلب فيها تسامحو وعمرو يعاود يهز عليها يدو.

وقالت ان القضية فيها الضرب والخيانة لأن المغربية لي في دبي هو على علاقة بيها وهوما لحد الان مازال مزوجين ومامطلقينش، واكدات ان القانون في المانيا كيخلي الراجل والمرا مدة عام باش يصفيو فيه الخواطر.

المهم القضية بدات صغيرة ودابا غادة وكتبكر وباينة شروق رافضة الظلم وطالعة معاه كاطريام.

وكتبات ليه: “بزاف عليك تكون مغربي وسير قلب على أصلك وباركة ماتلصق فالشعوب”.