19/04/2024 06:00
كانيي ويست شدوه البوليس بسباب مراتو.. ضرب واحد حاول يتحرش بسينسوري فأوطيل
وكالات //
كتقلب شركة “Neuralink”، ديال الميلياردير الميريكاني إيلون ماسك، على بنادم اللي قابل تجرب فيه عملية زرع كارطات فالدماغ اللي مصممة من أجل أنها تعاون الناس اللي كيعانيو من أمراض عصبية.
المتطوع اللي قابل يدير الاختبارات الكلينيكية غادي يتبعوه أطباء ومهندسين كبار وغاتكون عندو فرصة يساهم باش “يبدل العالم”، حسب الشركة المسؤولة على هاد الپروجي.
المرشح لهاد التجربة غادي يستافد من مزايا كثيرة منها تعويضات وحتى ماكلتو هوما اللي غاديين يتكلفو بيها.
لانونص اللي دارت شركة “Neuralink” ماكشفوش فيه على التاريخ اللي غاتبدا فيه التجارب الكلينيكية على المتطوعين.
وكان إيلون ماسك أكد سابقا أن لاپيس زرعوها فعدد من القرودة وكتخدم مزيان خاص غير يتأكدو من فعاليتها بدون مشاكل بالنسبة للبشر.
