الرئيسية > آش واقع > شبكة ابتزاز فيها مدراء مواقع اخبارية. الطرمباطي “الملياردير الجديد” هو اللي دار الفخ. هاد علاش خاصنا نشكو
12/11/2020 10:30 آش واقع

شبكة ابتزاز فيها مدراء مواقع اخبارية. الطرمباطي “الملياردير الجديد” هو اللي دار الفخ. هاد علاش خاصنا نشكو

شبكة ابتزاز فيها مدراء مواقع اخبارية. الطرمباطي “الملياردير الجديد” هو اللي دار الفخ. هاد علاش خاصنا نشكو

كود هناء ابو علي ///

ثلاث 10 نونبر فالليل بدات لخبار على اعتقال شي شبكة فيها صحافيين عندهم بطاقة الصحافة عند جوج منهم موقع اخباري فكازا. دازت لخبار وبان باللي الفرقة الوطنية للشرطة القضائية هي اللي كتحقق معاهم.

وفق ما علمته “كود” كلشي بدا بعد ما شدو واحد فطونوبيلتو وفيها فلوس. وفق مصادر “كود” هاد المبلغ هو مائتين الف درهم اي عشرين المليون. هنا تشد الاول ودازو للخراين.

لكن كاينة شكوك فهاد الملف باش تعرفو شكون اللي قدم بيهم الشكاية او دار ليهم هاد القالب. هو الملياردير اللي ما عرفناهش كيفاش ولى ملياردير احمد الطرمباطي. علاش مثير. اولا شحال من مرة تجبد اسمو واسم شخصية كبيرة فالقضاء كيقولو كيحميه. ثانيا هادا ماشي مثال النزاهة. قضية شركة الصباغة بروديك اللي كيقول بنشرقي باللي تقولب فيها وتزورو الوثائق باش يشريها الطرمباطي مازال فالتحقيق. الفرقة الوطنية اللي حققات معاه اكثر من مرة. حتى يخرج من المغرب راه مازال ممنوع

الطرمباطي كان على اتصال مع هادو مدة هادي. علاش حتى اليوم عاد قرر يقدم شكاية. خاص التحقيقات توجه ليه اتهامات على انو هو تواطؤ مع هادو اللي كيتقدمو اليوم كشبكة. علاش باش خرجو مقال عليه اتصل بيهم والتحقيقات وفق مصدر “كود” بينات باللي عطاهم فاللول.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه