وكالات-كود//

نجمة البوب الكولومبية شاكيرا غادي تغني في نهائي دوري كرة القدم الأمريكية (سوبر بول) 2020، لي محتفل هاد العام بالثقافة اللاتينية وفي نفس الوقت ناوية تحتافل بعيد ميلادها 43.

وغادي تقدم شاكيرالي رابحة “گرامي” ثلاث مرات فقرتها بين شوطي المباراة لي كتحظى بمشاهدة واسعة بزاف في فبراير.

هاد العام وإلى جانب شاكيرا، غادي تكون  المغنية والممثلة جنيفر لوبيز لي حتى هي لاتينة بما ان أصولها من بورتوريكو.

وقالت شاكيرا “كنظن أن وجودي في سوبر بول عندو رمزية وكنحس أنه علينا مسؤولية كبيرة تجاه أبناء أمريكا اللاتينية حول العالم”.

وأضافت “كاين بزاف في ثقافتنا اللاتينية لي يمكن لينا نحتافلو به، ونكونو فهاد المسرح المهم.. هادي فرصة كبيرة”.