عفراء علوي محمدي- كود//
والي جهة مراكش آسفي رجع فقرارو فأقل من 24 ساعة، حيت من بعد ما كان قرر، لباح الاثنين، يلغي بيع الشراب فالجهة، الثلاثاء صدر قرار كيلغي فيه إلغاء بيع الشراب، الوالي واقيلا شاف بللي هذ القرار مامسلكش، أو الداخلية نبهاتو باش يتراجع على القرار.
القرار رقم 18 اللي صدر الوالي نهار الاثنين، نورمالمون غايدخل حيز التنفيذ ف31 ماس، لكن فنفس التاريخ، الوالي صدر قرار ثاني برقم 117، كيلغي القرار اللول.
والقرار الثاني كيتكون من جوج بنود، اللول كينص على إلغاء قرار بيع المشروبات الكحولية أو الشبه الكحولية، والبند الثاني كيطالب فيه من السلطات الأمنية وعناصر الدرك الملكي باش ينفذو هذ القرار، وكلها حسب اختصاصو.