كود كازا//

المغني نعمان لحلو لي كيعتابر راسو من المغنيين الواعين والمثقفين، خرج أغنية جديدة، على مدينة جديدة.

هاد المرة اختار لحلو يغني على زاكورة ويبين باش كتميز في اللباس والطبيعة والمناطق وداكشي.

وهادي ثالث مدينة كيغني عليها، من بعد شفشاون ومراكش.

لي مبغاش يفهمو لحلو، أو كيتعامى على ذلك، أن نجاح أغنية “شفشاون يا نوارة” ماشي مقياس باش يغني على جميع المدن المغربية، وماشي مقياس على نجاح الأغاني.

هادي ديال زاكورة مفيها لا سر لا ملح، اغنية ناشفة وجافة، وباين مخسور عليها فلوس صحيحة… ودابا حتى المجلس الإقليمي لزاكورة شاطو عليه الفلوس نايض طالب أغنية.