20/04/2024 08:30
أسود الفوتسال مشاو عند صاحبهم يوسف جواد للسبيطار باش يطلعو ليه المورال ويخرجوه من جو الحزن بسبب الإصابة
اسماء غربي-كود//
كايتعرض ف ميريكان واحد برنامج الواقع سميتو 90 يوم خطوبة كايبث على قناة تي ال سي ، و فيه كايجيبو امريكيات مرتبطين مع اجانب و كايصورو حياتهم لمدة 90 يوم وهي المدة اللي كتعطيها السفارات الامريكية للمخطوبين باش يشدو الفيزا د الزواج و يمكن ليهم من بعد يستقرو ف امريكا بعد الحصول على بطاقة الكرين كارد.
ف الموسم الحالي دارو مع امريكية شابة ام لطفلة و مغربي اسمو ” ازان تيفو’ ، اسمه الحقيقي هو حسن يمكن، من تارودانت و لانه ماقدرش يحصل على الفيزا تم تصوير البرنامج ف نفس المدينة ف المغرب.
السيد المهم ولا مشهور ف امريكا و خصوصا ف اوساط المتتبعين لهاد النوع من البرنامج بحيث انه كان كيبين حياتو اليومية مع عائلتو و السيدة اللي خطب نيكول نافزيكر، وكان كياحفزها تنقص الوزن الى اخره وو ايضا كايبنانو الاختلافات الثقافية .
اخر التبركيكات اللي روجو عليه المتتبعين د هاد البرنامج اللي كايعتبروه شي وحدين تافه، ان السيد عندو علاقات متعددة و كايخون خطيبته، فيما قالت بعض المواقع انه خذا الفلوس منها و دار مشروع طبقا لتصريحات الاب ديالها الى اخره من الاشاعات اللي عامرة بها الانترنيت.
البرنامج وصل للموسم الخامس ومزال هو الوحيد من بين المتباريين اللي ماعطاوهش الفيزا من طرف السفارة د ميريكان ف الرباط و مزال غادي كملو معه التصوير ف تارودانت.
