كود كازا//
المغني بلال حساني، لي كان بان في “ذا فويس كيدس” هادي 5 سنين، خاطف الأنظار هاد الأيامات في فرنسا بعدما دار أغنية طرطقات ملايين المشاهدات في وقت قصير بزاف.
الفيديو كليب ديال أغنية “Roi” مصورة بطريقة بدائية، وغنى فيها بالفرنسية والانجليزية، ولكن الرسالة وصلات حيت في الفيديو بين ملي كان صغير وكيفاش الناس تعاملو معاه بحقارة حيت هو مثلي ومختلف، والبعض احتاقروه بسبب لبسو وشعرو وطريقتو كاملة، ولكن ماتسوقش كيفما قال، وشاف الجهة الإيجابية واستمر فحياتو بشكل عادي.
اليوم بلال عندو 19 لعام وكينافس باش يمثل فرنسا في ال”أوروفيسيون”، وغادي يدوز نهار السبت مباشرة في “فرانس 2” باش يدافع على فكرة الأغنية ديالو.
