أصلا خصو “التجريم” فمدونة الأسرة.. القضاء انتصر للقانون ضد الأعراف والتخلف السلفي وحكم بالسجن لراجل تزوج بطفلة فدوار بإقليم وجدة
نجوى المالحي-كود//
الممثلة نورا الصقلي والممثلة سعدية لديب لي معروفات ب”بنات لالة منانة” دارو هاشتاكَ ضد المنشط سيمو بنبشير لي سب الإعلامية مريم سعيد بعد زواجها برجل أعمال وابتعادها على عالم السوشل ميديا.
بنبشير لي كان بدا الحرب على مريم سعيد هادي 10 اشهر لدرجة أن كونط “حمزة مون بيبي” كان حط صور حميمية ديالها ودار ليها التشهير، كتب البارح “مبروك للعريس لي تزوج الشياطة ديال العاهرات وهنا كلشي من هاديك لي داز عليها كلشي”.
هاد الكلام لي عيب الواحد يقولو، خلا الصفحات الانستكرامية يديرو عليه حملة من أجل اغلاق الكونط ديالو، ومعظم التعاليق عبرو عن تضامنهم مع مريم سعيد ومعجبهمش الحال يدوي عليها بهاد الطريقة لي فيها بزاف ديال قلة الاحترام.
والمغربية مريم سعيد كانت خرجات من Mbc مباشرة من بعد الحملة لي دار عليها سيمو بنبشير ووصفها بالعاهرة وفنفس الوقت خرجو تصاورها وباسبور ديالها وتم التشهير بيها بطريقة فاضحة.