نجوى المالحي-كود//

في كل مرة المنشطة التلفزية زينب صابر كتفتح الأسئلة مع الناس لي متبعينها في انستكَرام، كيتكرر ديما السؤال ديال علاش مصوباتش سنانها حيت خارجين شوية وكين لي كيتنمر عليها وكيوصفها ب “المسندرة”.

البارح جاوبات زينب واحد السيدة سولاتها عبر الستوريز، وقالت أنها غادي تقادهم قريبا، ووضحات أنها كتخاف بزاف من طبيب السنان وأنها عانات بزاف مع ضرسة العقل وهادشي لي كيخليها تتفادا أنها تمشي لعند الطبيب.

حاليا زينب مع راجلها في تونس وقريب ترجع للمغرب باش تبدا تصوير الموسم الثاني من برنامج “أسرتي” لي كيدوز في قناة “الأولى”.