نجوى المالحي-كود//
الممثلة والمخرجة سناء عكرود علنات عن نهاية رحلتها في اليوتوب، وقدمات نفسها كشخص غير مألوف وكتعيش في عالم الشعراء وزمن آخر من غير زمن اليوم.
وكتبات جمل وكلمات في بوسط على انستكَرام ديالها باش تودع المتابعين والناس لي عندها.
لكن من بعد نهار واحد، قررات ترجع وتعاود تصور فيديوهات جديدة وتحطها، هاد التناقض فسروه بعض المتتبعين بالبحث عن لفت الانتباه.
التناقض اعترفات به سناء شخصيا وقالت أن إيقاعاتها عبثية وغريبة وعطات مثال بأنها كتبغي الشيخات وفيروز في نفس الوقت.
ودخلات الممثلة لي غبرات مدة هادي عن الأعمال التلفزية والسينمائية، لليوتوب بحال بزاف ديال الفنانة، بحثا عن التفاعل وحتى فلوس الأدسندس.
