نجوى المالحي-كود//
كانت المغنية المغربية سميرة سعيد ضيفة الحلقة الأولى من برنامج “السيرة” لي كتقدمو الاعلامية وفاء الكيلاني ودوات في واحد الجزء على والدتها لي من فاس وقالت ان باها اصلو من الرباط.
سميرة سعيد قالت أن نهار ومطال كان باها ومها يتناكرو على الأصول ديالهم، والدتها كانت كتقول لباها أن فاس مدينة متفتحة وكانو ناسها شحال هادي يلبسو لي بغاو.
وجا على لسان سميرة لي مستقرة في مصر: بنات فاس شحال هادي كانو كيقراو وما كيخرجو من الدار حتى كيكونو مقادات ومفركسات على عكس الرباط لي كانو متزمتين وماكيخرجوش من الدار.
الهضرة ديال المغنية نوضات النحل، وبزاف ماعجباتهومش المقارنة بين فاس والرباط، علقو تحت الفيديوهات وكل واحد دافع على مدينتو.
https://www.instagram.com/p/CLc5vyHHAyH/?igshid=4ncrv97sb41v
