كود كازا ///

“

معرض العقار المغربي “سماب رود شوو” تحدد تاريخ تنظيمو فباريس. العاصمة الفرنسية غادية تحتاضن من 14 الى 16 يونيو 2016 الدورة السادسة عشر اللي كتقام كيف ديما فبورت دو فيرساي.
هاد العام غادية تكون جهة الرباط سلا القنيطرة ضيفة شرف المعرض. غادي يكون عندها جناح خاص بيها.
المعرض غادي يقدم عروض متنوعة للعقار المغربي في اكثر من 60 مدينة مغربية لمغاربة فرنسا باش يشريو ولا يستثمرو

كاين الابناك كاينين الموثقين كاينين الخبراء وكاينين صحاب العقار ومالين الاستشارات القانونية فهاد المعرض. اللي بغى يشري شقة يوجد راسو

سمير الشماع، الرئيس التنفيذي لمجموعة سماب قال فبيان للمعرض “ان معرض باريس يشكل ملتقا مثاليا للجالية المغربية المقيمة في فرنسا ، وللمستثمرين الفرنسيين ، والباحثين عن فرص شراء منزل في المغرب ، مشيرا الى انه بعد مرور اكثر من 20 سنة مازالت الأجيال الجديدة من المغاربة شغوفة بالإبقاء على العلاقة مع الوطن الأم”

واضاف ان “الإحصائيات التي اجريت العام الماضي أظهرت ان اكثر من 45 في المائة من زوار المعرض أعلنوا انهم يزورون المعرض لأول مرة ، وهذه إشارة إيجابية للمنظمين للمضي قدما في تنظيم معارض سماب”

العام للي فات زارو 35 الف شخص وشارك فيه اكثر من 70 شركة عقارية ومصرفية على مساحة عشرة آلاف ( 10 آلاف ) متر .

بعد باريس غادي يطير المعرض لميلانو ما بين 1 و3 نونبر المقبل. ضيف هاد الدورة غادية تكون جهة بني ملال – خنيفرة