كـود : عمـر المزيـن///
في الوقت لي أخنوش مضارب مع تشكيل الحكومة ! مراتو مادام سلوى كأي بيزنيس وومن حقيقية كانت خدامة على كونسيبت جديد فالعالم و فالمغرب، ديال “التجميل الذكي” !
و أعلنت اليوم إطلاق أول متجر ذكي للجمال و أول علامة تجارية ذكية للمستحضرات التجميل ! الماركة الجديدة ديال الماكياج ديال مادام أخنوش سميتها ” يان آند وان”
Yan&One
الإسم ديال الماركة الجديدة ديال مستحضرات التجميل فيه مزيج من الأمازيغية “يان” لي كاتعني واحد، و الإنجليزية ” وان” باش تعطي طابع عالمي للماركة الجديدة.
و غاتكون أول ماركة ديال مستحضرات تجميل ذكية، بمعنى المتاجر ديالها غادي تكون مجهزة بآخر التقنيات الالكترونية لي غادي تخلي مثلا الزائر يجرب الماكياج بشكل اليكتروني و يقدر يتصور و يسيفط تصاورو لصحابو و يحطهم فالفايسبوك ديالو …. عوض داكشي لي كايدار حاليا فمحلات التجميل لي كايجربو المستحضرات بشكل يدوي.
سلوى أخنوش بغات المتاجر ديالها تكون متاجر ذكية و قالت بلي حتى تقنية الأداء ماغاديش تكون بالطريقة التقليدية لي عند الماركات الخرين و لكن غادخل طرق أداء اليكترونية.
المشروع الجديد الهدف منو هوا خلق ماركة جديدة ديال مستحضرات التجميل المغربية تكون فالمتناول و لي غاتستاغل بعض المواد الأولية لي معروف بيها المغرب فحال زيت أرگان و زيت الصبار ! و خلق فرص عمل داخل و خارج المغرب حيت الماركة الجديدة عوالة تحل محلات تجارية ماشي غي فالمغرب
