الطلب على العقارات تبدل فالمغرب. المشترين ولاو كيفضلو السكن لي كاين فالسونطر ديال المدن وإقبال متزايد على الاستوديوهات لي واصل ثمنها لمليون درهم للفوق
نجوى المالحي-كود//
هادي مدة خرج كونط حمزة “مون بيبي” في سناب شات قال أن المغنية سلمى رشيد في ميريكان باش تولد ولدها الأول، وهاد اليوماين بانت سلمى في المغرب تحديدا في كازا وقالت أنها كتوجد للمراحل الأخيرة قبل الولادة، وفي نفس الوقت نفات سفرها خارج المغرب بطريقة غير مباشرة.
وواخا سلمى اكدات انها غادي تولد في المغرب خرجات الممثلة لبنى أبيضار كتجاوب المنتقدين لي
عايرو سلمى رشيد، وكتبات “نسولكم المجهدين، 1.منين نبغي نولد فالمغرب معنديش مستشفى يعني مجبرة نمشي للخاص، 2.منين نبغي نقريه مجبرة ندخلوا مدارس خاصة يا أمريكية يا فرنسية، 3.منين يمرض مجبرة نديه خارج المغرب حيت صحتوا كتهمني، 4.منين يتخرج ويبغي يخدم مجبرة ندير ليه مشروعوا الخاص او نصفطوا على برا”.
وملي كملات الأسئلة ديالها قالت “إدن علاش غنولدوا هنا؟ بركا من بلا بلا اختي سلمى على سلامتك ومبروك عليك”.
دبا دوك لخوت لي كيعايروا فسلمى رشيد حنت ولدات ف أمريكا عندي ليكم واحد سؤال (المجهدين)1.منين نبغي نولد فالمغرب معنديش…
Publiée par Loubna Abidar sur Mardi 10 septembre 2019
وهادي سيمانة باش سلمى غبرات من الانستكرام ومبقاتش حطات حتى بوسط. وكيبان ان المغنية خريجة برنامج “اراب ايدول” بغات ترتاح وتولد وتخبر الجمهور من بعد ما تكون بيخير.