كود احمد الطيب ///

واش كاين شي حد فالبام ولا متبع السياسة غادي يتصور ان العربي لمحارشي يعلن على تجميد انشطتو الحزبية؟ حتى حد. حتى هو كان كيبان ليه راسو ولى مهم وباغي يلعب فحزب عارف علاش تأسس.

هاد الابعاد اللي ماشي استقالة وكثر من ابعاد٬ جا بعد الاعلان على فشل المصالحة بين تيار المستقبل وحكيم بنشماش. هاد العربي لمحارشي اللي بحال لقرع فين ما ضربتيه يسيح منو الدم٬ اعتاقد باللي ولى سياسي كبير. جاتو رسالة٬ وفق مصدر ل”كود” قالت ليه شكون هو ورجعاتو شوية ماشي بزاف لحجمو الطبيعي. حقاش حجمو الطبيعي خاصو ينزل كثر كثر كثر. هاد الشي يقدر يوصلو مستقبلا.

باش قال لمحارشي على صفحتو ” اعتذر لهم لانني قررت تجميد حضوري في جميع الأنشطة واللقاءات لان المستوى الذي وصل له الحزب لا يشرفنا نحن كباميين و باميات ولهذا اسمحولي كثيراً ان كنت اتخدت هذا القرار بشكل انفرادي بدون الرجوع إليكم”. راه باينة جاتو تصرفيقة وفهمها.

هاد السيد كبر ليه الشان وولى عقبة فالمصالحة بين الباميين واييه. دابا بنشماش تعرى والياس العماري اللي كان مخدمو كيف بغى حتى هو تعرى وتيار المستقبل ربح.