الرئيسية > آش واقع > سكوب..ها مع من تلاقا رئيس الحكومة بعد “تقليقة” الملك.. مقرب منو لـ”كود”: مزال مكاين شاي وتوجيهات الملك غايطبقهم
21/09/2019 18:30 آش واقع

سكوب..ها مع من تلاقا رئيس الحكومة بعد “تقليقة” الملك.. مقرب منو لـ”كود”: مزال مكاين شاي وتوجيهات الملك غايطبقهم

سكوب..ها مع من تلاقا رئيس الحكومة بعد “تقليقة” الملك.. مقرب منو لـ”كود”: مزال مكاين شاي وتوجيهات الملك غايطبقهم

كود الرباط//

علمت “كود” من مصدر مطلع أن سعد الدين العثماني رئيس الحكومة والأمين العام لحزب العدالة والتنمية، التقى مع لحسن الداودي، القيادي في الحزب ورجل ظله، مباشرة بعد اللقاء الذي أجراه مع الملك محمد السادس.

الداودي، لي ولى رجل الظل ديال رئيس الحكومة، هو لي جابو ب طوموبيل تا للمقر ديال البيجيدي ف الرباط.

العثماني تعطل على اللقاء لي كان غايبدا حول الدخول السياسي، مع 16،30 بسبب اللقاء المستعجل مع القصر.

“كود” كانت حاضرة أمام مقر “البيجيدي”، العثماني دخل نيشان للمقر مع 18،15 وصل.

مقرب من رئيس الحكومة قال لـ”كود”، مباشرة مور اللقاء مع الملك، (قال) :”مزال مكاين شاي”، مضيفا حول مخرجات اللقاء الذي كان في القصر، بالقول :”راه العثماني تلاقا سيدنا وداكشي لي قالو غايطبقو”.

وباين الملك محمد السادس مقلق على رئيس الحكومة. بيان الديوان الملكي اللي خرج هاد العشية ة قال باللي الملك استقبل العثماني اليوم بالقصر الملكي بالرباط وسولو واستفسرو على ما سماه بيان الديوان الملكي “تقدم تفعيل التوجيهات الملكية الواردة في خطاب العرش لسنة 2019”. البيان اضاف “وتتعلق هذه التوجيهات الملكية برفع رئيس الحكومة للنظر السامي لجلالة الملك، اقتراحات بخصوص تجديد وإغناء مناصب المسؤولية، سواء على مستوى الحكومة أو الإدارة”.

تفاصيل عن اللقاء لي دار رئيس الحكومة مع الداودي واتصالات أجراها غانرجعو ليها ف مقال مقبل.

موضوعات أخرى

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر

18/03/2024 22:00

قضية التيك توكر “ايمان كوين” اللي خرجات كتقول غاتنتاحر وتقتل ولادها معها.. البوليس داير خدمتو وكيستامع ليها