عمـر المزيـن – مكتب الرباط//

قبل يوم واحد من الاجتماع اللي غادي تدير شركات المحروقات مع لحسن الداودي، الوزير المنتدب لدى رئيس الحكومة المكلف بالشؤون العامة والحكامة، علمت “كود”، أن هاد الشركات غادي يقتارحو على الوزير تخفيض الأسعار فالمحطات ديال البيع لتفادي إجراء “التسقيف” اللي لوحات بيه الحكومة أكثر من مرة.

ووفق ما كشفت عنه مصادر “كود”، فإن هاد الشركات باغية تنقص الثمن البيع ديال المازوط وليصانص بنصف درهم، أي ما بين 40 و50 سنتيم، غير أن الوزير الوصي على القطاع عندو رأي آخر كيف قال لـ”كود”.

وقال الوزير الدوادي، في تصريح لـ”كود”: أنا راه خاصني يطيحو اكثر من هادشي ويلا مابغاوش راه عارف شنو غادي اندير وغدا عندي لقاء مع هاد الشركات باش نحسمو هاد الموضوع”.