20/04/2024 09:00
نهضة بركان عندهم كلمة وحدة: إما الجزائر تحترم قانون الكاف ونلعبو بتوني خريطة المغرب المعتمد أو ما نلعبوش
كود مصطفى الشاذلي //
علمت “كود” ان مفاوضات بدات بين الجامعة وابراهيم دياز بين لعاب الريال مدريد سابقا واللي سلفو النادي الملكي لناسي ميلان الايطالي. حسب مصادر “كود” فالمفاوضات بين الجامعة وبين هاد اللعاب بدات مع باباه وباللي الامور مشجعة باش يلعب مع الاسود.
فالايام الجاية غاديين نعرفو القرار النهائي واللي من المحتمل يلبس توني الاسود ويشارك فالمونديال القطري.
بحال هاد اللعاب محتاجو المنتخب. محتاجو وليد الركراكي مدرب الاسود.
دابا الجامعة خدامة مع هاد اللعاب وغيرو باش توجد ظروف يديرو مونديال مزيان
لاعب وسط هجومي سريع وعندو خبرة. قبل الريال لعب مع مانشيستر سيتي. اكيد بحالو غادي يكون مفيد للاسود.
هادي ماشي اول مرة كتكون مفاوضات مع هاد اللعاب اللي سبق ليه لعب مع المنتخب الاسباني لاقل من 19 عام ولاقل من 17 عام ولاقل من 15 عام ومعول يمشي للمونديال القطري ولكن حظوظو قليلة. دياز عزيز عليه المغرب ولكن ديما كيحلم يلعب مع منتخب اسبانيا فالمونديال. كانت الجامعة فالسابق فتحات معاه مفاوضات وعرضات عليه وديما كان كيرفض. ايرفي رونار المدرب الاسبق للاسود كان عيط عليها
