كود – مكتب الرباط//

تأكد لـ”كود” أن حميد شباط العمدة السابق لمدينة فاس والأمين العام السابق لحزب الاستقلال خوا المغرب فمرة ومغاديش يعاود يرجع. السيد باين حس بالعافية قريبة ليه،  حسب  تعليق بعض المصادر..

مصادر مقربة من شباط قالت أنه قرر باش يستقر في مدينة “دوسلدورف” الألمانية، بعيدا عن الأنظار، تاركا عائلته تستقر  ف فاس.

العمدة السابق ديال فاس كان قرر باش يتواصل مع عائلتو غير فالواتساب ودبا هادي اكثر من 28 يوم وهو قاطع حتى تقنية التراسل الفوري ..

وكانت أخبار ذهبت إلى أن شباط قرر يستقر في دولة تركيا اللي عندو فيها مجموعة من المشاريع لكن حاليا يتواجد في مدينة دوسلدورف الألمانية .

وكشفت المصادر أنه قبيل تخطيط شباط للهروب خارج أرض الوطن كان عدد كثير من الأملاك اللي دايريها فأسماء ولادو ومراتو وعائلتو. وتمكنت باش يخرج كولشي للخارج.

علامة استهام كتبقى مطروحة. شكون حذر شباط باش يخوي وشنو كان غادي يوقع ليه يلا بقا فالمغرب تتساءل المصادر..