مصطفى الشاذلي ـ كود سبور//
الوداد سالات مع عموتة. الحمرا قررت تستغني على مدرب النادي، بعدما حسات بالإهانة، على إثر اختيار الحسين عموتة يمشي يحلل ماتشات المونديال فقناة “الكاس” عوض يوقف على تداريب بطل المغرب وإفريقيا، وفق ما توفر لـ”كود” من معطيات حصرية.
إدارة الوداد متقبلاتش هاد الاستهتار وعدم المسؤولية لي بين عليه عموتة بإقدامه على هاد الخطوة، فمرحلة مهمة للفريق، المقبل على عدد من الاسحقاقات الكروية، وفمقدمتها كأس العالم للأندية، ولي كتحتاج منو تحضير اسثنائي، إلى جانب المنافسة على واجهة البطولة وعصبة الأبطال، التي يطمح يدي لقبها للموسم الثاني على التوالي.. وهي تستقر على اتخاذ هاد الإجراء.
هاد القرار لي خدات الحمرا ما يمكن إلا يتكال عليه برافو، وبالتأكيد أنه غادي يلاقي استحسان وتأييد جماهير الحمرا، لي بدورها عبرات على فقصتها وعدم رضاها على ترك المدرب النادي فهاد التوقيت، لي كلشي كيوجد فيه باش يستأنف الموسم بقوة، ويمشي يجلس يحلل فماتشات كأس العالم بحال إلى متابعو والو.