طنجة عادل السعدي كود ////

البارح “كود” نشرات خبار مباشرة بعد تلك الوقفة المفبركة اللي دارت فطنجة اثناء تدشين ملكي اللي رددو فيها شي 8 الاشخاص “اخنوش ارحل. عاش الملك” وكانو قراب بزاف من رئيس الدولة. تصرف اغضب محمد السادس اللي ما بقاش كاع فطر فهاد المدينة. قلنا البارح باللي كاينة ريحة ال العماري فهاد البيعة والشرية.

اليوم وبعد بحث طويل سولنا فيه ناس كانوا حاضرين وسولنا ناس خراين. بعضهم رفض حتى الرد على المكالمات والبعض رفض التعليق. ناس التجمع الوطني للاحرار رفضو يعطيو شي تصريح ل”كود”. كانت اليوم تدوينة لبعضهم عابو توظيف الملك فهاد التخربيق

بالفيديو اللي حصلنا عليه والمعطيات الحصرية. اللي صور الفيديو هو شخص اسمه امين الزودي اللي فالصورة فمقال “كود”. شكون هاد السيد اللي كان حاضر وصورو وكان كيعطي التعليمات اللي جابهم باش يرفعو شعارا بعاش يقرب الملك هو المرافق الشخصي والمصور الشخصي لالياس العماري. معاه فالحملة. معاه فالصحف ديالو. خدام معاه حتى فمجلس جهة طنجة تطوان الحسيمة باعتباره “مهندس في الميديا”.

كان اول من بث الفيديو على صفحته على الفايس على الساعة الخامسة و53 دقيقة مساء من مارينا باي بطنجة. اي فيه بيه. بعدها نشرها ف”طنجة 24″ المقرب جدا من الياس العماري كذلك.

طبعا هادي اول مرة كيتم فبركة وقفة فتدشين ملكي من قائد كتائب الياس العماري الامين العام السابق للاصالة والمعاصرة ورئيس جهة طنجة ضد خصم سياسي

رابط الفيديو