الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية
علي الصافي – كود العيون ///
نهار 18 و19 من هاد الشهر زار ناصر بوريطة وزير الخارجية والتعاون واشنطن. هاد لخبار نشراتو “كود” واليوم بعد استقالة المبعوث الاممي المكلف بالصحراء الالماني كولر كتاضح الصورة. فهاد الزيارة وفق مصادر “كود” تلاقى بوريطة برجالات ادارة ترامب. شافهم ولكن ما مشاش يدو خاوية. مشى بمعطيات مدعومة بارقام على الوضع فالمنطقة.
الادارة الامريكية اقتانعات باللي المسار اللي غادي فيه كولر غادي يدي المنطقة للحيط. علاش؟ من غير الجزائر اللي حتى حد ما يقدر يتنبأ لمصيرها غدا٬ كاين عودة قوية للقاعدة فالمنطقة. غير اللي يتبع لخبارات يشوف شحال من عملية ارهابية دارت مؤخرا فبوركينافاصو فمالي فالنيجر وسير حتى لنيجيريا والكاميرون. القاعدة كتحرك بقوة فمنطقة الساحل واللي زادها قوة هو ضعف البوليساريو عسكريا وامنيا.
يعني منطقة مهددة بهاد الاخطار. هنا السياسة كتعطل. هنا الاهمية كتولي للوضع الامني.
وحقاش مجموعة اصدقاء الصحرا هي اللي كتحكم فالملف ماشي الامم المتحدة ولا مبعوث الامين العام وفهاد المجموعة ميريكان عندها ثقل كبير. جات هاد الاستقالة ديال الالماني كولر المبعوث الخاص للامين العام الاممي الى الصحراء. فالحقيقة بيان الامم المتحدة على الصحة غير تخربيقة وصافي. تبرير وصافي. القضية اكبر. فين كان غادي كولر حتى واحد من دول مجموعة اصدقاء الصحراء ما موافق عليه وهو يمشي فحالو.