كود كازا ///

حمل شمعون حاييم سكيرا٬ السكرتير العام لطائفة اليهود المغاربة بفرنسا٬ حزب الاستقلال مسؤولية انو ولى اسرائيلي. وقال فتدوينة ليه على صفحتو على الفايس بوك باللي مازال صور الليسي ولقراية فكازا حاضرة قبل ما يغادر الدار البيضاء وبلادي الزوينة ف1967 بعد حزب ستة الايام”.

وكتب “سولو حزب الاستقلال علاش غادرت بلادي وبا وامي. لقيت راسي فاسرائيل٬ لبلاد الوحيدة اللي اسقبلاتني بباسبور مغربي”.

واضاف انو كيتفهم مأساة الفلسطينيين٬ ولكن شكون يتفهم مأساتي انا اللي غادر المغرب وعمري 15 سنة وخليت صحابي اليهود والمسلمين والنصارى وحياة احلام” ثم زاد “ايلى اليوم انا اسرائيلي سولو حزب الاستقلال”.

يعني بالنسبة ليه ان هاد الحزب لعب دور حاسم فطرد اليهود المغاربة وتهجيرهم لاسرائيل.

شمعون حاييم اكد انو كيناضل من اجل السلم لملوكو. فالمقال الاول لبلادو الاولى المغرب ولبلادو الثانية اسرائيل بلا ما ينسى فرانسا اللي ولات جزء من روحو.