كريم الشركي-كود///

راسل سكان مدينة سبتة المحتلة، الملك محمد السادس، بسباب اغلاق الحدود بين سبتة والفنيدق منذ ازيد من سنة.

ساكنة سبتة وحسب مقال لجريدة ال فارو دي سيوتا، طلبو من الملك أنه يفتح ليهم معبر طاراخال مع الفنيدق، مع الالتزام بكل اجراءات كورونا، حقاش بغاو يدخلو للفنيدق وتطوان، ويجيو عندهوم اهاليهم من الفنيدق وتطوان فهاد الشهر الفضيل.

وزادت الرسالة، أنهم مكيطلبوش السماح لجميع المغاربة بالعبور، وإنما غير لاقليم تطوان والفنيدق، باش يجددو اواصر القرابة مع اهاليهم فهاد المدن المحاذية ليهم.

وحسب عبد الملك محمد رئيس الجمعية لي راسلات الملك، فهاد العام لي تسدات فيه الحدود، خلاو الناس من كلا الطرفين يعرفو القيمة ديال هاد المعبر لي كان عبرو كيتم التواصل بين الجانبين.