الرئيسية > آش واقع > سفير المغرب فأستراليا ونيوزلندا ما قدرش يقنع الدول لي خدام فيها وجاي لمؤتمر الباسيفيك فالعيون
27/02/2020 07:30 آش واقع

سفير المغرب فأستراليا ونيوزلندا ما قدرش يقنع الدول لي خدام فيها وجاي لمؤتمر الباسيفيك فالعيون

سفير المغرب فأستراليا ونيوزلندا ما قدرش يقنع الدول لي خدام فيها وجاي لمؤتمر الباسيفيك فالعيون

الوالي الزاز -كود- العيون ///

[email protected]

تنطلق صبيحة اليوم الخميس اشغال النسخة الثالثة من اجتماع المغرب ودول الباسيفيك المنظم في مدينة العيون، وذلك بمشاركة واسعة ل12 دولة من المحيط الهادي بالإضافة للمملكة المغربية.

وتشارك كل من فيجي وجزر المارشال وكيريباتي وولايات ميكرونيزيا و بابوا غينيا الجديدة، بالإضافة لبالاو وجزر سليمان وجزر الساموا وفيفالي والفانواتو، ثم التونغا و نويي، بأشغال الإجتماع الذي سيخصص لمناقشة مسائل مرتبطة بالتنمية الإقتصادية وفتح آفاق التعاون في مختلف المجالات بين البلدين، إذ يحمل الإجتماع أجندة سياسية بيّنة من خلال تنظيم النشاط في مدينة العيون وما لذلك من موقف سياسي تسجله تلك الدول بالتزامن واحتفالات البوليساريو ب”إعلان الجمهورية” اليوم الموافق للسابع والعشرين من فبراير.

اجتماع المغرب ودول الباسيفيك غابت عنه دول كبيرة على غرار أستراليا ونيوزلندا ولي هي دول معروفة بمواقف معينة من قضية الصحرا وكان خصنا نقنعوها باش تجي وتشارك فالعيون ولكن سفارتنا فهاد الدول وسفير المملكة كريم مدرك ما قدرش يجيبها أو يقنعها فظل ضعفو الواضح فمجاراة نسق جبهة البوليساريو فأستراليا ونيوزلندا ولي خلانا نفقدو بزاف من قوتنا فتلك المنطقة وأصبحنا نكتفي فقط برد فعل وقضية الفوسفاط أكبر دليل على هاد الشي.

سفير المغرب فأستراليا ونيوزلندا ضعيف بزاف وما نعرف شكون لي جابو لتم وهو ما عندو حتى دور وما عرفناش أصلا لاش كيصلاح.راه ما بقاتش فالأنشطة الثقافية والأمسيات والماكلة. راه عندنا قضية دولة وقضية وطنية وخاص هاد السيد يواكب العمل لي كتقوم بيه الدولة فالعالم. ما يمكنش بحال هذا يكون ند لممثل البوليساريو كمال فاضل لي كيدير أنشطة ومروج إعلاميا فالمنطقة وخالق لينا مشاكل كثيرة فأستراليا ونيوزلندا وفاش ما كيلقى ما يظار كيخرج بتصريح فوسائل اعلام واسعة الإنتشار تم ويضرب فالوحدة الترابية.

بحال كريم مدرك راه ما خاصوش يجي للعيون ولايكون سفير فاستراليا ونيوزلندا. فعهدو كلات الدولة الدق وترفع علم البوليساريو فسيدني وخسرنا بالزاف ديال النقاط فمعركة الفوسفاط فنيوزلندا. وحتى قبل انطلاق هاد الاجتماع ما قدرش يوقف ممثل البوليساريو كمال فاضل لي دار اجتماع مع جوج من ممثلين منتدى جزر المحيط الهادي، آليفليتي سوآكي، المكلف بالشؤون السياسية بمنتدى جزر المحيط الهادي، وبثاني سرجنت، المكلفة بالشراكة الإقليمية والدولية ولي اكدو مقاطعتهم.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري