كود كازا//
من بعد سبانيا، السفارة الفرنسية فالرباط قررات تنظم رحلات استثنائية لبلادها، جوية وبحرية، بالنسبة لرعاياها اللي حصلو فالمغرب بسبب إغلاق الحدود بين البلدين.
وقالت السفارة، فبلاغ ليها على صفحتها ف”فيسبوك”، أن رحلات جوية خاصة لفرنسا غاتكون من مختلف المدن المغربية، لكن بالرخصة اللي كتعطى لكل حالة بوحدها، وفآجال قريبة، من عند السلطات المغربية.
وطالبات السفارة باش المعنيين يديرو تيست PCR قبل ما يسافرو ب72 ساعة على الأكثر قبل موعد الطيارة، باعتبارها إجبارية قبل الوصول للحدود الفرنسية.
ويمكن الاستفادة من الرحلات من خلال شراء التذاك من عند شركات الطيران ترانسافيا وإير فرونس.
وبالنسبة للرحلات البحرية، فتم تخصيص رحلة نهار 10 ابريل فالعشية من ميناء طنجة على “لاميريديونال”، والوصول غيكون لمارساي الاثنين 12 أبريل، لكن خاص المسافرين تكون كتتوفر فيهم الشروط القانونية للسفر وتكون عندهم رخصة من السلطات المغربية.
واللي بغا يستفد من هذ الرحلة البحرية ما عليه غير يعمر هذ الاستمارات:
https://forms.ambafrancemaroc.org/recensement-traversee-maritime-le-10-avril-2021
